Sewanagala Usbim Maha Viduhala

 

Sewanagala Usbim Maha Viduhala

EDSODA  CONCEPT

E - Experience – Where are we coming from?

D- Direction – Where we are Heading ?

S –Situation Now - Where are we now?

O – Outcome Desire – Where do we want to be?

D – Deadline – By When do we want to be there ?

D – Deadline – By When do we want to be there ?

• E - Experience – Where are we coming from
•  අප පැමිණි ගමන් මඟ 

ඌව පළාතේ, මොණරාගල දිස්ත්‍රික්කයේ, තණමල්විල නගරයේ,  සෙවනගල ග්‍රාමයේ,  මො/සෙවනගල උස්බිම් වැලිආර මහා විද්‍යාලය පිහිටා ඇත. 

අප විද්‍යාලයේ ඉතිහාසය පිළිබඳ විමසා බැලීමේදී වසර 35 ක දීර්ඝ ඉතිහාසයකට හිමිකම් කියමින් දුවා දරුවන් 520කට පමණ ගුණනැණ ලබා දෙන ප්‍රදේශයේ කීර්තිමත් නාමයක් හිමි කර ගත්  අභිමානවත් පාසලකි.

 

1980 වර්ෂ වල උස්බිම් වැලිආර ප්‍රදේශයේ දරුවන්ට අකුරු හැදෑරීමට පාසලක් නොමැති වූ අතර ඒ සඳහා කිලෝමීටර්10 - 15 පමණ පයින් දුර ගෙවා  පාසලක් වෙත යෑමට දරුවන්ට සිදුවිය. දහවල් වරුවේ  අධික හිරු එළියත් ප්‍රවාහන පහසුකම් නොමැති වීමත් යන කරුණු  නිසා බොහෝ නිවස්වල දරුවන්  අකුරු හැදෑරීම සඳහා උනන්දු නොවීය. තවද ප්‍රදේශයේ වූ ජනතාවගේ ප්‍රධාන රැකියාව වූයේ  හේන් වගාව හා කිරි ගවයන් ඇති කිරීමයි. පාසලකට යෑමට ඇති අපහසු බවත්, ආර්ථික  දුෂ්කරතාවන් නිසාත් දරුවන් තම රැකියා කටයුතු සඳහා යොදවා ගැනීමට දෙමාපියන් නිරතුරුවම උත්සාහ කරන ලදී .

එවැනි පසුබිමක වැල්ලවාය හිටපු පාර්ලිමේන්තු  ගරු මන්ත්‍රී ජේ. එමි  .කුමාරදාස මැතිතුමා විසින් තමා සතු අක්කර 10 ක ඉඩමක ගොඩනැඟිල්ලක් තනා 1987-02-12 දින වැලිආර උස්බිම් කණිෂ්ඨ විද්‍යාලය  ලෙස උස්බිම් වැලි ආර ප්‍රදේශයේ දරු දැරියන්ගේ අධ්‍යාපන කටයුතු සඳහා විද්‍යාලය ආරම්භ කෙරුණි. එවකට වැල්ලවාය නව පාර්ලිමේන්තු මන්ත්‍රී ගරු ජේ.එම්. ආනන්ද කුමාරසිරි මැතිතුමා විසින් විද්‍යාලය විවෘත කරන දිනයේ ප්‍රධාන ආරාධිත අමුත්තා ලෙස පැමිණි අතර එදිනම පාසල රජයට පවරා දෙන ලදී.

  

ගුරුවරුන් 5 දෙනකු හා දරු දැරියන් 17 දෙනෙකුගෙන් ආරම්භ වූ පාසල සති කීපයක් යන විට  සිසුන් තිස් දෙනෙකු අකුරු කරන ස්ථානයක් බවට පත් විය. ඉන්පසු දිනෙන් දින ප්‍රදේශයේ අනෙකුත් විද්‍යාල අභිබවමින් විදුහල්පතිවරුන් කීපදෙනෙකුගේ නායකත්වයෙන් යුතුව පාසල ඉදිරියට ගමන් කළ අතර එහිදී ජී.ජී. වසන්ත කුමාර මහතාගේ නායකත්වයෙන් යුතුව පැවති යුගය පාසලේ දියුණුවට සුවිශේෂී විය.

2008 වර්ෂයේිිිිිීදී  අ.පො.ස සා/පෙළ විභාගයේ ප්‍රතිඵල 85% වූ අතර ඒ සමගින් පාසල තුළ උසස් පෙළ පන්ති ආරම්භ විය. එතෙක් කනිෂ්ඨ විද්‍යාලයක්ව පැවති මෙම විද්‍යාලය 1 C වර්ගයේ මහා විද්‍යාලයක් බවට පත්වීම, 2009 වර්ෂයේ සිදු වීම සුවිශේෂී අවස්ථාවක් ලෙස හැඳින්විය හැක.

ආරම්භයේ සිට මේ දක්වා විදුහල්පතීවරුන් හතරදෙනෙකුගේ මගපෙන්වීම යටතේ ජාතික තලය  අභිබවා යන්නට හැකියාව ලැබුණු අතර වර්තමානයේ  W.A.S. අරුණ විදුහල්පතිතුමාගේ නායකත්වය හා මගපෙන්වීම යටතේ තවදුරටත් ඉදිරියට ගමන් කරන පාසලක් බව කිව හැකිය.

 

• D- Direction – Where we are Heading ?
• වර්තමානයේ ආයතනය ගමන් කරන දිශාව 

මෙහිදී අප යා යුතු තැන් කුමක්ද? අප යා යුත්තේ කොතැනටද? යන්න පිළිබඳව සලකා බලයි. වර්තමානයේ පාසල් ගමන් කරන දිශාව පහත දැක්වෙන අංශ කීපයක් යටතේ විමසා බැලිය හැකියි.

1.  අධ්‍යාපනික ප්‍රගතිය 

2.  විෂය සමගාමී ක්‍රියා ප්‍රගතිය 

3.  මානව සම්පත් සංවර්ධන ප්‍රගතිය

4.  භෞතික සම්පත් ප්‍රගතිය 

5.  විෂය බාහිර කටයුතුවල ප්‍රගතිය

 

• S –Situation Now - Where are we now?
•  වර්තමාන තත්ත්වය 

• මෙහිදී අප ඉන්නා තැන කුමක්ද? අප ඉන්නේ කොතනද? යන්න පිළිබඳ සලකා බලයි.

   

  ඌව පළාතේ, මොණරාගල දිස්ත්‍රික්කයේ, තණමල්විල කලාපයේ, තණමල්විල අධ්‍යාපන කොට්ඨාසයේ, සෙවනගල උස්බිම් මහා විද්‍යාලයේ එක 1 C පළාත් පාසලකි. පළමු වන ශ්‍රේණියේ  සිට 13 ශ්‍රේණිය දක්වා ළමුන් 520 ක් පමණ ඉගෙනුම ලබති. ආචාර්ය මණ්ඩලය 33 දෙනෙකු ගෙන්  සමන්විත වන අතර අනධ්‍යන කාර්ය මණ්ඩලය 6 දෙනෙකුගෙන්  සමන්විතය. කලා සහ වාණිජ  අංශවලින් උසස් පෙළ අධ්‍යාපන කටයුතු සිදු කෙරේ. සෞන්දර්ය අංශයේ පෙරදිග සංගීතය නැටුම් සහ චිත්‍ර යන විෂයයන් සඳහා ශිෂ්‍යයන් යොමු වී සිටිති. උසස් පෙළ කලා හා වාණිජ අංශ වල  සිසුන් 23ක් පමණ අධ්‍යාපනය ලබන අතර පුස්තකාල පහසුකම් ද අප පාසල් තුළ දක්නට ලැබේ. විද්‍යාලයේ පරිගණක කාමරයක් ඇති අතර එහි ඉතා අඩු පහසුකම් දක්නට ලැබේ. අන්තර්ජාල  පහසුකම් හෝ දුරකථන ජාල පහසුකම් ද දක්නට නොලැබේ.

   

  • O – Outcome Desire – Where do we want to be?
  • අපි යා යුත්තේ කොතැනනටද? 

  මෙහිදී අප යා යුත්තේ කොතැනටද? අප කළ යුත්තේ මොනවාද? යන්න පිළිබඳව සලකා බලයි. 

   

  දැක්ම 

  අන් අයට ගරු කරණ සංවේදී මිනිසුන් ගෙන් යුත් සමාජයක්

   

   

  මෙහෙවර 

   ජාතික ජීවනාලිය දරු පරපුර අනාගත අභියෝගයන්ට මුහුණ දීමට තරම් වූ ආත්ම ශක්තියක් ඇති නිර්මාණශීලී කුසලතාවයන්ගෙන් යුක්ත පිරිසක් බවට පත් කිරීම සෙවනගල උස්බිම් විදුහලේ  මෙහෙවරයි.

   

  පරමාර්ථ 

  1. පාසල් විෂය මාලාව සිසුන්ට වඩාත් ප්‍රශස්ත ඉගෙනුම් අවස්ථා නිර්මාණය වන අයුරින් කළමනාකරණය කිරීම තුළින් ශිෂ්‍ය සාධන මට්ටම ඉහළ නැංවීමටත්, නිපුණතා පූර්ණ දරු පිරිසක් නිර්මාණය කිරීමටත් හැකි අයුරින් ඉගෙනුම් ඉගැන්වීම් ක්‍රියාවලිය ශක්තිමත් කිරීම.

   

  2. ශිෂ්‍යයන්ගේ මූලික අවශ්‍යතා හා බැඳුණු ගැටලු නිරාකරණය කරමින් සමාජයේ භෞතික මෙන්ම මානසික අසමානතා දුරු කිරීමට උපදේශන සේවා පවත්වා ගැනීම. 

   

  3. ශිෂ්‍ය සාධනය ඉහළ නැංවීමට වැඩසටහන් සම්පාදනය කිරීම. ඒ තුළින් ශිෂ්‍ය පරපුර ජාතික විභාග වාර විභාග ප්‍රථිපල වලින් උසස් ප්‍රතිඵල වලට ළඟා වීමට අවශ්‍ය ක්‍රියාමාර්ග නිරතුරුව  ලබා ගැනීම. ඒ තුළින් විෂය සාධන මට්ටම ඉහළ නංවා ගැනීම.

   

  4. විදුහලේ සියලු විෂයය බාහිර හා විෂය සමගාමී ක්ෂේත්‍ර ආවරණය වන අයුරින් විෂයය සමගාමී ක්‍රියාකාරකම් සංවිධානය කිරීමටත්, ඒ තුළින් සමබර පෞරුෂයකින් හෙබි දරු  පරපුරක් තැනීමටත් අවශ්‍ය කටයුත-ු විධිමත්ව සංවිධානය කිරීම.

   

  5. පාසල් අධ්‍යාපනයේ ගුණය වැඩි දියුණු කිරීම සඳහා ප්‍රජාවගේ දායකත්වය පාසල් වැඩසටහන් සඳහා යොදා ගනිමින් ප්‍රජා සම්පත් ඉගෙනුම් කියාවලියට සක්‍රීයව ලබා ගනිමින්  පාසල කෙරෙහි වන ප්‍රජා ආකල්ප ධනාත්මකව සංවර්ධනය කරමින් කටයුතු කිරීම හා ශිෂ්‍ය  ශිෂ්‍යාවන්ගේ අධ්‍යාපන වාතාවරණය පහසුකම් සහිත එකක් බවට පත්කර ගැනීම.

   

  • D – Deadline – By When do we want to be there ?
  •  අපේක්ෂිත ප්‍රතිඵල ළඟා කර ගන්නේ කවදාද ? 
  • මෙහිදී අපේක්ෂිත ප්‍රතිඵල ළඟා කර ගන්නේ කවදාද? අපේ අරමුණට අපි යන්නේ  කවදාද? යන්න පිළිබඳව සලකා බලයි . අපේක්ෂිත ප්‍රතිඵල ළඟාකර ගැනීම සඳහා වූ පස් අවුරුදු සැලැස්ම භාවිතා කරනු ලබයි. 
  • •  D – Deadline – By When do we want to be there ?
    • ඒ සඳහා උපාය මාර්ග සම්පත්වල අවශ්‍යතාවය

    මෙහිදී අපි කොහොමද එතැනට යන්නේ පිළිබඳව සළකා බළයි 

     

          අරමුණු                                                                උපායමාර්ග 

    1. විභාගය සමත් ප්‍රතිශතය      ඉහල ප්‍රතිඵල ඉහල නැංවීමේ වැඩසටහන්                    ඉහල නැංවීම.                     ක්‍රියාත්මක කිරීම 

                                                             පෙරහුරු පරීක්ෂණ පැවැත්වීම 

                                                             වාර විභාග මාසික  පරීක්ෂණ පැවැත්වීම 

                                                             දුර්වල සිසුන් සදහා අමතර ඉගැන්වීම්  අවස්ථා 

                                                              සැපයීම

     

    2. සිසුන්ගේ ඉංග්‍රීසි භාෂා 

    දැනුම සහ භාවිතය              පන්ති කාමර තුල සරල ඉංග්‍රීසි  භාවිතය 

     වර්ධනය කිරීම                   දෛනිකව ක්‍රියාත්මක වන ඉංග්‍රීසි  වචන හුරු   කිරීම.                                                   උදෑසන රැස්වීමට ඉංග්‍රීසි කතාව   ඉදිරිපත් කිරීමේ              

                                                      වාර්ෂික ඉංග්‍රීසි දින වැඩසටහන 

                                                      වාර්ෂික ඉංග්‍රීසි කදවුර වැඩසටහන පැවැත්වීම 

     

           

     

    3. නිපුණතා මට්ටම් වලට ලඟා 

    වූ සිසු පිරිස අඩු කිරීම 

                                                              සිසුන් හඳුනා ගැනීම 

                                                              ප්‍රතිපෝෂණ වැඩසටහන් 

                                                              විවිධ ඉගෙනුම් ක්‍රමවේද භාවිතය

                                                              ආකර්ෂණීය ඉගෙනුම් ආධාරක                                                         

     

    4. දෛනික පැමිණීම

    වැඩි කරගැනීම                             නොපැමිණෙන සිසුන් හඳුනා ගැනීම

                                                             අවවාද කිරීම 

                                                             හොඳම පැමිණීම සහිත සිසුන් ඇගයීම 

                                                             සහ තෑගී ලබාදීම 

                                                           තනතුරු සඳහා බඳවා ගැනීමේදී  පැමිණීම සඳහා                                                          ලකණක් ලබා දීම 

                                                            පැමිණීමේ ප්‍රතිශතය පිළිබඳ දෙමාපියන් දැනුවත්                                                      කිරීම

                                                             ගිවිසුම්ගතවීම